WËLLKOMM

Häerzlech wëllkomm bei der Musik Gemeng Ell. Op dësem Site fannt Dir all Informatiounen iwwert d'Liewen an eisem Veräin.

Vill Spaass beim Surfen ...

Leider sinn vill Kiermesen hei am Land dem Coronavirus dësst Joer zum Opfer gefall. Dorënner ass leider och eis Kiermes zu Kleng Elcher gefall.

E Kiermessonndeg ouni Hämmelsmarsch ... awer nët mat der Musik Gemeng Ell. Wa mir nit zu Fouss vun Diir zu Diir laanscht kommen, da komme mer eben "virtuell" direkt bei iech an d'Stuff.

Schéi Kiermes un eis Populatioun vu Kleng Elcher, awer och un alleguerten d'Leit hei am Land, déi keng Kiermes feieren kënnen.

Galaconcert 2020

Léiw Frënn vun der Musik Gemeng Ell,

Et fällt eis nit liicht dëss Entscheedung ze treffen, mee kulturell Manifestatiounen faalen dem Coronavirus grad esou zum Schicksal wéi all aner öffentlech Veranstaltungen. Mir gesinn eis gezwongen de Galaconcert 2020, deen de 4. Abrëll 2020 um 20:00 Auer am Centre Culturel Camille Ney sollt stattfannen, ze annuléieren.

Mir, sou wéi all Veräin zu Lëtzebuerg, wärte kucken, wéi mir eis Manifestatiounen kënnen nohuelen.

Eppes ass eis als Veräin ganz wichteg: passt all op iech an är Gesondheet op.

Bis geschwënn ...

Är Musik Gemeng Ell